Bergen manglar klokkespel!
Bergen er einaste større byen i Skandinavia som ikkje har eit klokkespel. Det seier kantor i Johanneskirken, Asbjørn Myksvoll. I kyrkjetårnet på Nygårdshøyden er det eit ledig rom som høver til formålet.Publisert 27.02.2003 06:56 - NRK
Av Jo Hjelle og Dag Folkestad Hør reportasjen
Med vindu i alle himmelretningar skal klokkespelet høyrast over heile byen. No startar ein innsamlingsaksjon for å få det på plass.
- Tenk å få spela Grieg ut over byen under Festspela, drøymer Myksvoll.
Eit klokkespel er eit stort musikkinstrument. Klokker i alle størrelsar, frå den minste på 15 kilo og oppover. Myksvoll ser for seg 40 klokker til å spela på.
- Eit klokkespel kan kosta 1,5 million kroner, men for tre millionar får byen eit veldig flott musikkinstrument, seier kantoren.
Urverk og automatikk
Klokkespelet kan automatisk gi klokkeslag kvar time med ein liten melodi til. Manuelt spel vil forgå oppe i tårnet på eit sokalla "stokkeklaviatur." Der spelar "klokkenisten" med armar og bein på store tangentar som er kopla direkte på klokkene, noko som gir full kontroll over kvar tone.
Det automatiske spelet skjer via keyboard og elektronisk overføring.
Kanskje i 2005?
Kantor Asbjørn Myksvoll håpar klokkespel med 40 klokker er på plass til 100-års markeringa av unionsoppløysinga i 2005.
Innsamlingsaksjonen si nettside finn du her. Her får du informasjon om korleis du kan være med å støtte Bergen Domkirkemenighet sine klokkespillplanar.
(http://klokkespill.johanneskirken.com)
